English   /   Kannada   /   Nawayathi

سعودی عرب کا قطری معتمرین کے لیے خاص اعلان

share with us

الریاض :07مئی 2019(فکروخبر/ذرائع) سعودی عرب کی جانب سے قطری معتمرین کے لیے خصوصی ویب سائٹ تیار کرلی گئی، فراہم کردہ معلومات کے مطابق یہ معتمرین جدہ کے کنگ عبدالعزیز ایئرپورٹ یا مدینہ منورہ کے پرنس محمد بن عبدالعزیز ایئرپورٹ پر اتریں گے۔

تفصیلات کے مطابق سعودی عرب میں حج اور عمرے سے متعلق امور کی وزارت کا کہنا ہے کہ مملکت اللہ کے مہمانوں کی خدمت کے واسطے بھرپور کوششوں میں مصروف ہے، اور قطر کے شہری بھی عمرے کی عبادت ادا کرسکیں گے۔

اس سلسلے میں عمرے کی ادائیگی کے خواہش مند قطری برادران کے لیے سعودی عرب نے خصوصی ویب سائٹ لنک تیار کیا ہے۔ قطری معتمرین اپنے تمام کوائف کا اندراج کر سکتے ہیں۔

یہ معتمرین جدہ کے کنگ عبدالعزیز ایئرپورٹ یا مدینہ منورہ کے پرنس محمد بن عبدالعزیز ایئرپورٹ پر اتریں گے۔اسی طرح مذکورہ وزارت نے منگل کے روز ایک پریس ریلیز میں قطر میں مقیم ان افراد کا خیر مقدم کیا ہے جو عمرہ ادا کرنے کے خواہش مند ہیں۔ان افراد کو لنک پر اپنے کوائف کا اندراج کرنا ہو گا اور ویب سائٹ پر دی گئی ہدایات پر عمل کرنا ہو گا۔

سعودی عرب کی وزارت حج و عمرہ نے باور کرایا ہے کہ اللہ کے مہمانوں کو فراہم کی جانے والی تمام تر خدمات اور سہولیات خادم حرمین شریفین شاہ سلمان بن عبدالعزیز اور ولی عہد شہزادہ محمد بن سلمان کی ہدایات کا نتیجہ ہیں۔

دنیا کے مختلف حصوں سے مختلف رنگ و نسل کے معتمرین اور حجاج کرام خادم حرمین شریفین کی خصوصی سرپرستی میں ان تمام خدمات سے مستفید ہو رہے ہیں۔

یاد رہے کہ سعودی عرب اور اس کی خلیج میں اتحادی ریاستیں محتدہ عرب امارات اور بحرین کے علاوہ مصر نے جون سنہ 2017 میں قطر یسے اپنے سفارتی اور تجارتی تعلقات منقطع کر لیےتھے۔

سعودی عرب کا قطر پر الزام ہے کہ وہ مشرقی وسطیٰ میں دہشت گردوں اور ایران کی حمایت کر رہا ہے۔

سعودی عرب نے قطر سے اپنے تعلقات بحال کرنے کے لیے پندرہ شرائط بھی قطر کے سامنے رکھی تھیں جنھیں قدرتی گیس کی دولت سے مالا مال دنیا کے امیر ترین ملکوں میں شامل ہونے والی جغرفیائی طور پر اس چھوٹی سے خیلجی ریاست نے یکسر مسترد کر دیا تھا۔

Prayer Timings

Fajr فجر
Dhuhr الظهر
Asr عصر
Maghrib مغرب
Isha عشا