سعودی عرب ایرانی تیل کا متبادل ثابت ہو سکتا ہے، سعودی وزیر تیل

ریاض:30اپریل2019(فکروخبر/ذرائع)سعودی عرب کے وزیر تیل خالد الفلیح نے کہا ہے کہ آٹھ ممالک کے لیے ایرانی تیل کی خرید پر امریکی استثنیٰ ختم ہونے کے بعد اُن کا ملک تیل خریدنے والے ملکوں کی طلب پوری کرنے کی ہمت رکھتا ہے۔ الفلیح نے یہ بات روسی نیوز ایجنسی آر آئی اے کو ایک انٹرویو میں بتائی۔ انہوں نے یہ بھی کہا کہ رواں برس جون کے بعد بھی تیل کی پیداوار میں تعاون جاری رکھنے کی عالمی ڈیل پر عمل ممکن ہے۔ سعودی عرب کے وزیر تیل کا یہ بھی کہنا تھا کہ ریاض حکومت خام تیل کی پیداوار کو عالمی طلب کے مطابق برقرار رکھنے کی کوشش کرے گی۔