ٹیکساس طوفانی ہواوں کی زد میں، نظام زندگی درہم برہم ،ایمرجنسی نافذ

مختلف علاقے بجلی سے محروم ، ٹیکساس کے ایئرپورٹ کے رب وے پر کھڑے چھوٹے طیارے الٹ گئے

ٹیکساس:14؍مارچ2019(فکروخبر/ذرائع)امریکی ریاست ٹیکساس کے مختلف شہروں میں طوفانی ہواوں کے جھکڑ نے نظام زندگی درہم برہم کردیا۔ ٹیکساس کے ایئرپورٹ کے رب وے پر کھڑے چھوٹے طیارے الٹ گئے،حادثات میں ایک شخص زخمی ہوا جبکہ انتظامیہ نے ایمرجنسی نافذ کردی ہے۔غیرملکی خبررساں ادارے کے مطابق 75میل گی گھنٹہ کی رفتار سے چلنے والی طوفانی ہواوں کی وجہ سے مختلف علاقے بجلی سے محروم ہوگئے جبکہ کئی عمارتوں کو نقصان پہنچا ، گھروں کی چھتیں اڑ گئیں، درخت اکھڑ گئے اور ایک ٹرک بیچ سڑک پر الٹ گیا ۔تیز ہواوں کے سبب ٹیکساس کے ایئرپورٹ کے رب وے پر کھڑے چھوٹے طیارے الٹ گئے ۔رپورٹ کے مطابق مختلف حادثات میں ایک شخص زخمی ہوا جبکہ انتظامیہ نے ایمرجنسی نافذ کردی ہے۔