وینزویلا میں بجلی کی فراہمی کا نظام بحال ہو گیا، حکومتی اعلان

کراکس:14؍مارچ2019(فکروخبر/ذرائع)تقریبا ایک ہفتے تک بجلی کی فراہمی میں تعطل کے بعد جنوبی امریکی ملک وینزویلا میں بجلی کا نظام مکمل طور پر بحال کر دیا گیا ہے۔ ملکی وزارت اطلاعات کے مطابق دارالحکومت کراکس کے مضافات میں صرف دو ایسے علاقے باقی ہیں، جنہیں ابھی تک بجلی کی ترسیل بحال نہیں ہو سکی۔ حکومت نے توانانی کے نظام میں اس خرابی کا الزام امریکا اور ملکی اپوزیشن پر عائد کیا تھا۔ حکومت کا کہنا تھا کہ بجلی کے ملکی نظام پر ایک سائبر حملہ امریکا کی مدد سے کیا گیا تھا۔ اپوزیشن نے ملک بھر میں ہونے والے اس بلیک آوٹ کی وجہ حکومتی نااہلی بتائی تھی۔