یوکرائن ترکی سے چھ ڈرون طیارے خریدے گا،معاہدہ طے پا گیا 

طیارے خریدنے کا معاہدہ ایردآن کے ساتھ ایک ملاقات میں طے پایا،یوکرائینی صدر

انقرہ:13؍جنوری2019(فکروخبر/ذرائع)یوکرائن ترکی سے چھ ڈرون طیارے خریدے گا۔ ترکی میں تیار کردہ یہ ڈرونز ایک سال کے اندر اندر یوکرائن کے حوالے کر دیے جائیں گے۔غیرملکی خبررساں ادارے کے مطابق یوکرائینی صدر پیٹرو پوروشینکو نے اپنی ایک ٹویٹ میں بتایا کہ ڈرون طیارے خریدنے کا یہ معاہدہ گزشتہ ہفتے ترک صدر رجب طیب ایردوآن کے ساتھ ایک ملاقات میں طے پایا تھا۔ اس طرح کے ترک ڈرون طیارے چوبیس گھنٹے میں قریب سات ہزار کلومیٹر فاصلہ طے کرنے اور پچپن کلوگرام تک وزن ساتھ لے جانے کی صلاحیت رکھتے ہیں۔ یوکرائنی حکومت نے ترکی سے دفاعی نوعیت کا یہ معاہدہ ایک ایسے وقت پر کیا ہے، جب روس اور یوکرائن کے مابین شدید کشیدگی جاری ہے۔