ربیع الاول کے مبارک مہینے میں ساڑھے 17 لاکھ افراد نے عمرہ ادا کیا، عمرہ زائرین میں ہندوستان تیسرے نمبر

ریاض:18ڈسمبر2018(فکروخبر/ذرائع)سعودی حکام کے مطابق ربیع الاول کے مبارک  مہینے میں ساڑھے 17 لاکھ افراد نے عمرہ ادا کیا،سعودی حکومت نے ربیع الاول17 لاکھ 77 ہزار 7 سو 85 افراد کو ویزے جاری کئے، جن میں سے 13 لاکھ 87 ہزار 125 عمرہ زائرین سعودی عرب آئے، 

سعودی وزارت حج و عمرہ کی طرف سے ربیع الاول میں آنے والے عمرہ زائرین کا ڈیٹا جاری کیا گیا ہے۔ جاری اعداد و شمار کے مطابق گزشتہ سال کے مقابلے میں اس سال تین فیصد زیادہ لوگوں نے عمرہ ادا کیا۔عمرہ زائرین نے اوسط 13 دن مدینہ منورہ اور 8 دن مکہ المکرمہ میں گزارے۔ دنیا بھر میں سب سے زیادہ عمرہ زائرین پاکستان سے گئے، جن کی تعداد 4 لاکھ 35 ہزار 60 تھی۔دوسرے نمبر پر انڈونیشیا سے 2 لاکھ 61 ہزار 172، بھارت سے 2 لاکھ 13 ہزار 893 ، ملائیشیا سے 85 ہزار، یمن سے 72 ہزار 212، الجیریا سے 41 ہزار، ترکی سے 36 ہزار 800 عمرہ زائرین سعودی عرب گئے۔