چین کا رویّہ تبدیل ہونے تک اْس پر تجارتی ٹیکس باقی رہیں گے، امریکاکا اعلا ن

واشنگٹن :18؍نومبر2018(فکروخبر/ذرائع)امریکی صدر ڈونلڈ ٹرمپ نے خبردار کیا ہے کہ بیجنگ کی تجارتی روش تبدیل ہونے تک چین پر امریکی پابندیاں اور دباؤ باقی رہے گا۔غیرملکی خبررساں ادار کے مطابق ٹوئیٹر پر اپنے ایک پیغام میں امریکی صدر ٹرمپ نے کہاکہ ہم نے چین کی 250 ارب ڈالر کی مصنوعات پر کسٹم ڈیوٹی نافذ کی اور یہ عدد دو گنا بھی ہو سکتا ہے۔ان کا کہنا تھا کہ وہ بہتری واقع ہونے کی امید رکھتے ہیں تاہم انہوں نے زور دے کر کہا کہ چین کے رویّے میں تبدیلی کے بغیر امریکا اپنا موقف ہر گز تبدیل نہیں کرے گا۔