روہنگیا پر کیا گیا ظلم ناقابل معافی ہے، امریکی نائب صدر

امریکی نائب صدر نے میانمار میں آزاد اور جمہوری صحافت کیلئے سازگار ماحول کو بھی اہم قرار دیدیا

واشنگٹن:14؍نومبر2018(فکروخبر/ذرائع)امریکا کے نائب صدر مائیک پینس نے میانمار کی لیڈر آنگ سان سوچی پر واضح کیا ہے کہ ان کے ملک میں روہنگیا اقلیت پر کیا گیا ظلم و جبر ناقابلِ معافی ہے۔ انہوں نے یہ بات ایشیا پیسیفک سمٹ کے حاشیے میں خاتون لیڈر کے ساتھ ملاقات میں کہی۔ اس کے جواب میں سوچی نے واضح کیا کہ ظلم و ستم کے حوالے سے متضاد عوامی آرا پائی جاتی ہیں۔ پینس نے اس ملاقات میں یہ بھی کہا کہ امریکا ملوث افراد کے خلاف کی جانے والی کارروائی کے بارے میں جلد از جلد کوئی پیش رفت جاننا چاہتا ہے اس کے علاوہ امریکی نائب صدر نے میانمار میں آزاد اور جمہوری صحافت کے لیے سازگار ماحول کو بھی اہم قرار دیا۔