النصرہ فرنٹ نے بشارالاسد کے 8 فوجی موت کے گھاٹ اتار دیے

یہ کارروائی ترکی اور روس کی جانب سے قائم کردہ محفوظ زون سے باہر کی گئی،لڑائی میں دو جنگجو بھی ہلاک ہوئے ، انسانی حقوق تنظیم

دمشق:11؍نومبر2018(فکروخبر/ذرائع)شام میں انسانی حقوق کے ذرائع کے مطابق حما گورنری میں النصرہ فرنٹ نامی عسکری گروپ نے بشارالاسد کی فوج میں شامل 8اہلکاروں کو موت کے گھاٹ اتار دیا۔سیرین ہیومن رائٹس آبزر ویٹری کے ڈائریکٹر رامی عبدالرحمان نے بتایا کہ سابقہ النصرہ فرنٹ جو اب "تحریرالشام" کے نام سے سرگرم ہے کے جنگجوؤں نے حما شہر میں ایک کارروائی کے دوران اسدی فوج کے 8 اہلکاروں کو ہلاک کردیا۔یہ کارروائی ترکی اور روس کی جانب سے قائم کردہ محفوظ زون سے باہر کی گئی۔انسانی حقوق کے مندوب کا کہنا ہے کہ لڑائی میں تحریر شام کے دو جنگجو بھی ہلاک ہوئے ہیں۔