جمال خشوقجی کا قتل ٗ برطانیہ میں ملوث افراد کیداخلے پر پابندی ہوگی

سعودی صحافی جمال خشوقجی کے قتل سے متعلق سارے حقائق سامنے آنے ضروری ہیں ٗبرطانوی وزیر اعظم 

لندن ۔:25؍اکتوبر2018(فکروخبر/ذرائع)امریکہ کے بعد برطانیہ نے بھی سعودی صحافی جمال خشوقجی کے قتل میں ملوث مشتبہ سعودی حکام کے پاسپورٹ منسوخ کرنے کا اعلان کر دیا ٗان افراد کے برطانیہ میں داخلے پر بھی پابندی ہوگی۔برطانوی وزیراعظم ٹیریزامے کے مطابق سعودی صحافی جمال خشوقجی کے قتل سے متعلق سارے حقائق سامنے آنے ضروری ہیں، انھوں نے کہا کہ وہ اس حوالے سے سعودی فرمانروا شاہ سلمان نے فون پر بات کرینگی جبکہ قتل میں ملوث تمام افراد پر برطانیہ میں داخلے پر پابندی لگائیں گے۔انھوں نے کہا کہ سیکرٹری داخلہ پابندی کے حوالے سے اقدامات کر رہے ہیں، ان مشتبہ افراد کے پاس اگر برطانوی ویزہ ہے تو وہ منسوخ کر دئیے جائیں گے، امریکی وزیر خارجہ مائیک پومپیو نے بھی سعودی صحافی قتل میں ملوث اکیس ملزمان کے ویزے منسوخ کرنے اور مستقبل میں ان کے امریکہ میں داخلے پر پابندی عائد کرنے کا اعلان کیا ہے ٗ ان افراد کا تعلق سعودی خفیہ اداروں، رائل کورٹ اور وزارتِ خارجہ سے ہے۔