بھٹکل سرکاری اسپتال میں مفت آنکھوں کے معائنہ کے کیمپ کا انعقاد 

بھٹکل 25؍ ستمبر 2018(فکروخبر نیوز) شہر کے سرکاری اسپتال میں پرساد نیترالیہ اسپتال اور سرکاری اسپتال بھٹکل کے اشتراک سے آنکھوں کے معائنہ کا مفت طبی کیمپ منعقد کیا گیا جس میں کل ستاسی افراد نے فائدہ اٹھایا۔ آنکھوں کے علاج کے ماہر ڈاکٹر روہت نے مریضوں کا معائنہ کرنے کے بعد ان میں سے اکتیس مریضوں کو اڈپی اسپتال میں علاج کے لیے منتخب کیا گیا ہے۔ بتایا جارہا ہے کہ ان اکتیس افراد کے لیے اڈپی جانے کے لیے مفت سواری کابھی انتظام اور وہاں پر ان کا علاج بھی مفت میں کیا جائے گا۔ اس موقع پر مریضوں نے فکروخبر سے بات چیت کرتے ہوئے اڈپی کے پرساد نیترالیہ اسپتال کا شکریہ ادا کیا کہ انہوں نے ان کے لیے مفت طبی کیمپ کا انعقاد کیا۔ انہوں نے کہا کہ غریب عوام کے لیے اس طرح کے مختلف کیمپ منعقد کیے جانے کی وجہ سے ان کے علاج کا بندوبست ہوتا ہے اور وہ اپنا علاج مفت میں کراسکتے ہیں۔ ذمہ داروں کی جانب سے وقتاً فوقتاً اس طرح کے کیمپ منعقد کرنے کے عزم کا اظہار کیا گیا ہے۔