سوس بحری جہاز پر قزاقوں کا حملہ، بارہ افراد اغوا

جنیوا:23؍ستمبر2018(فکروخبر/ذرائع)سوئٹزرلینڈ کے شہر جنیوا میں قائم ایک بڑی شپنگ کمپنی ماسؤل نے بتایا ہے کہ اُس کے ایک مال بردار بحری جہاز پر قزاقوں نے حملہ کیا ہے۔ اس واقعے میں قذاقوں مے عملے کے انیس میں سے بارہ افراد کو یرغمالی بنا لیا ہے۔ بحری جہاز نائجیریا کے شہر لاگوس سے پورٹ ہارکورٹ کی جانب گندم لے کر جا رہا تھا کہ قزاقی کا نشانہ بن گیا۔ قزاق بحری جہاز کے کمیونیکشن آلات کو شدید نقصان پہنچانے کے بعد روانہ ہو گئے ہیں۔ سوس کمپنی نے اپنے یرغمالی ملازمین کی جلد بازیابی کی کوششیں شروع کر دی ہیں۔