بی ایس ایف جوان کا بہیمانہ قتل ،مودی جی، کہاں گیا ایک کے بدلے دس سر لانے کا وعدہ!، کانگریس  

کانگریس کے ترجمان رندیپ سنگھ سرجے والا نے بی ایس ایف کے ہیڈ کانسٹیبل نریندر کو پاکستان کی طرف سے بہیمانہ طریقہ سے قتل کئے جانے پر وزیر اعظم نریندر مودی سے سوال کیا ہے۔ انہوں نے کہا، ’’پہلے ہیم راج اب نریندر سنگھ، پاکستان نے انہیں بے رحمی سے مار ڈالا۔ حکومت کیا کر رہی ہے؟ مودی جی! کیا آ پکی روح آپ کو ملامت نہیں کرتی؟ کہاں گیا 56 انچ کا سینہ اور کہاں گئیں وہ لال آنکھیں، کہاں گیا ایک کے بدلے 10 سر لانے کا وعدہ؟‘‘

انہوں نے مزید کہا، ’’حکومت کو بدعنوانوں کی فکر ہے جوانوں کی نہیں۔ مودی جی فوج کا استعمال سیاسی فائدہ کے لئے کرتے ہیں لیکن ان کی حفاظت کا نہیں سوچتے۔ ملک جواب مانگتا ہے اور جواب آپ کو دینا ہوگا۔‘‘

خیال رہے کہ پاکستانی فوجیوں نے جموں کے قریب سیکورٹی فورسیز (بی ایس ایف) کے ایک جوان کو گولی مارنے کے بعد اس کا گلا ریت کرقتل کردیا گیا۔ یہ وحشیانہ حرکت منگل کورام گڑھ سیکٹرمیں کی گئی، جس کے بعد سیکورٹی اہلکاروں نے بین الاقوامی سرحد اورایل اوسی پر 'ہائی الرٹ' جاری کردیا