پٹرول کی قیمتوں میں اضافہ کا سلسلہ جاری ،تیل کے دام کتنی اونچائیوں تک لے جائےگی مودی سرکار

نئی دہلی:13؍ستمبر2018(فکروخبر/ذرائع)پٹرول اور ڈیزل کی قیمتوں میں ایک دن کے استحکام کے بعد ایک بار پھر سے ان کی قیمتوں میں اضافہ ہوا ہے۔دہلی میں پٹرول کی قیمت 81 روپے تک پہنچ گئی جبکہ ڈیزل 73 روپے فی لیٹر سے تجاوز کر گیا ہے۔ملک کی تیل مارکیٹنگ کمپنی انڈین آئل کے مطابق دہلی میں پٹرول اور ڈیزل کی قیمتوں میں بالترتیب 13 اور 11 پیسے فی لیٹر کا اضافہ ہوا ہے۔
 دارالحکومت دہلی میں ایک لیٹر پٹرول کے لیے صارفین کو آج 81 روپے اور ڈیزل کے لیے 73.08 روپے ادا کرنے ہوں گے۔ ممبئی میں پٹرول کی قیمت 88.39 روپے اور ڈیزل کی 77.58 روپے فی لیٹر تک پہنچ گئی ہے۔