فلپائنی صدر نے گالی دینے پرباراک اوباما سے معافی مانگ لی

دوتیرتے نے اس وقت امریکی صدر اوباما کو بازاری عورت کی اولاد کہا تھا

منیلا:04؍ستمبر2018(فکروخبر/ذرائع)فلپائن کے صدر روڈریگو دوتیرتے نے سابق امریکی صدر باراک اوباما کو ماں کی گالی دینے پر اب ان سے معافی مانگ لی ہے۔ دوتیرتے نے اس وقت امریکی صدر اوباما کو بازاری عورت کی اولاد کہا تھا۔ اسرائیل کے دورے پر پہنچے ہوئے دوتیرتے نے فلپائنی کمیونٹی سے خطاب کے دوران کہا کہ مسٹر اوباما ایک سویلین ہیں اور انہیں ان الفاظ کی ادائیگی پر افسوس ہے۔ دوتیرتے کا یہ بھی کہنا تھا کہ انہوں نے منشیات کے خلاف ان کی مہم کو تنقید کا نشانہ بنانے پر اوباما کو معاف کر دیا ہے۔ دوتیرتے نے یہ الفاظ 2016 میں آسیاں اجلاس کے موقع پر استعمال کیے تھے۔