ایران سے بغداد میزائلوں کی منتقلی سے متعلق برطانوی میڈیا کی رپورٹیں حیران کن اور حقائق کے منافی ہیں ، عراق

بغداد:03؍ستمبر2018(فکروخبر/ذرائع)عراق نے کہا ہے کہ ایران سے بغداد میزائلوں کی منتقلی کے بارے میں برطانوی میڈیا کی رپورٹیں حیران کن اور حقائق کے بالکل منافی ہیں۔ غیر ملکی خبررساں ادارے کے مطابق عراقی وزارت خارجہ کی جانب سے جاری ہونے والے بیان میں کہا گیا ہے کہ برطانوی میڈیا کی ایران سے میزائلوں کی منتقلی کے بارے میں رپورٹیں بالکل بے بنیاد اور شوائد کے بغیر ہیں۔ بیان میں کہا گیا ہے کہ عراق ایسی بے بنیاد رپورٹوں پر ردعمل دینے کا پابند نہیں ہے ۔ بیان میں کہا گیا ہے کہ عراق کے تمام ریاستی ادارے آئین کے آرٹیکل سیون کی پابندی کرتا ہے جس کے تحت دیگر ممالک کا کسی بھی ملک پر حملے کے لئے عراقی سرزمین کو بطور اڈہ استعمال کرنے کو ممنوع قرار دیا گیا ہے ۔