آزاد مالیاتی نظام قائم نہ کیا تو یورپ نقصان اٹھائے گا‘جرمن وزیر خارجہ

ویانا:02؍ستمبر2018(فکروخبر/ذرائع)جرمن وزیر خارجہ نے ایک بار پھر امریکی مداخلت سے پاک مالیاتی نظام کے قیام کو ضروری قرار دیدیا ہے۔گزشتہ روز وزیر خارجہ ہایکو ماس نے ویانا میں اپنے یورپی ہم منصبوں کیساتھ ملاقات ‘اس موقع پر ان کا کہنا تھا کہ ایران کیساتھ ہونے والے ایٹمی معاہدے کو باقی رکھنے کے لیے یورپ کو آزاد مالیاتی نظام کی حمایت کرنا ہوگی۔انہوں نے کہا کہ یورپ کے لیے آزاد مالیاتی نظام کے قیام کیلئے اس سے بہتر موقع کوئی نہیں ہوسکتا۔ یورپ کو آزاد مالیاتی نظام کے قیام کا جلد فیصلہ کرنا ہوگا بصورت دیگر چین ایسا مالیاتی نظام وضع کرے گا جو یورپ کے حق میں نہیں ہوگا۔