20 لاکھ افراد فریضہ حج ادا کریں گے، گورنر مکہ

ریاض:20؍اگست2018(فکروخبر/ذرائع)گورنر مکہ مکرمہ شہزادہ خالد الفیصل نے کہا ہے کہ اس سال 20 لاکھ فرزندان توحید فریضہ حج ادا کریں گے۔منی میں پریس کانفرنس سے خطاب کرتے ہوئے شہزادہ خالد الفیصل نے کہا کہ اسلام امن کا پیغام ہے، اور ان کی حکومت دنیا میں مستقل بنیادوں پر امن و امان کے قیام کے لئے دعاگو ہے۔گورنر مکہ نے مزید کہا کہ قانون نافذ کرنے والے اداروں نے فرضی حج قافلے فراہم کرنے والے 160 اداروں کے خلاف کارروائی کی جبکہ حج وعمرہ قوانین کی خلاف ورزی پر 5 لاکھ 45ہزار افراد کو حراست میں لیا گیا ہے۔انہوں نے بتایا کہ اس سال 2لاکھ 31ہزار911 گاڑیوں کو مکہ مکرمہ میں داخلے کے اجازت نامے نہ ہونے پر لوٹا دیا گیا۔گورنر مکہ کے مطابق امسال بیرون مملکت سے آنے والے حجاج کی تعداد 17 لاکھ 58 ہزار 722 رہی جبکہ 2 لاکھ 40 ہزار 747 مملکت کے اندرونی علاقوں سے پہنچے ہیں۔