ایران سے کاروبار کرنے والے امریکا کے ساتھ تجارت نہیں کرسکیں گے، ٹرمپ

اس سے قبل اتنی سخت پابندیاں کبھی نہیں لگائی گئیں، نومبر میں یہ اور سخت کر دی جائیں گی،ٹوئیٹر پیغام 

واشنگٹن:08؍اگست2018(فکروخبر/ذرائع)امریکی صدر ڈونلڈ ٹرمپ نے ایران پر پابندیوں کے نفاذ کے بعد تہران کے ساتھ کاروباری روابط رکھنے والے ممالک کے لیے سخت تنبیہ جاری کی ہے۔غیرملکی خبررساں ادارے کے مطابق سماجی رابطوں کی ویب سائیٹ’ٹوئٹر پر اپنے پیغام میں انھوں نے ایسے ممالک کو مخاطب کرتے ہوئے کہا کہ اگر وہ ایران کے ساتھ کاروبار کرتے ہیں تو امریکا کے ساتھ تجارت نہیں کر سکیں گے۔صدر ٹرمپ نے اپنی ٹویٹ میں مزید کہا کہ اس سے قبل اتنی سخت پابندیاں کبھی نہیں لگائی گئی تھیں اور نومبر میں یہ اور سخت کر دی جائیں گی۔ میں صرف عالمی امن کا مطالبہ کر رہا ہوں۔