وسطی افریقی جمہوریہ میں ہلاک ہونے والے روسی صحافیوں کی نعشوں کی واپسی

روس کے فورینزک ماہرین ان نعشوں کا مکمل معائنہ اور صحافیوں کی ہلاکت کی وجوہات کا تعین کریں گے

ماسکو:06؍اگست2018(فکروخبر/ذرائع)روس کے اْن تین صحافیوں کی نعشیں واپس وطن پہنچا دی گئی ہیں، جنہیں سینٹرل افریقن ریپبلک میں گزشتہ پیر کو ہلاک کر دیا گیا تھا۔میڈیارپورٹس کے مطابق روس کے فورینزک ماہرین ان نعشوں کا مکمل معائنہ کریں گے اور صحافیوں کی ہلاکت کی وجوہات کا تعین کریں گے۔ روس کی اعلیٰ سطحی تفتیشی کمیٹی بھی اس تفتیشی عمل میں شریک ہے۔ تینوں صحافی گزشتہ پیر کو ایک اچانک حملے میں ہلاک ہوئے تھے۔ یہ صحافی اس وسطی افریقی جمہوریہ میں متحرک پرائیویٹ روسی سکیورٹی کمپنی اور وہاں کان کنی سے جڑے بعض روسیوں کے بارے میں معلومات حاصل کر رہے تھے۔ اْدھر افریقی ملک کے حکام کا کہنا تھا کہ روسی صحافیوں کو عربی بولنے والے افراد نے اغوا کر کے ہلاک کیا تھا۔