دہشتگردی کے الزام میں چار سعودی شہریوں کے خلاف مقدمہ کی سماعت شروع

ریاض:17؍جولائی2018(فکروخبر/ذرائع)یہاں فوجداری کی خصوصی عدالت نے 100کلو گرام دھماکہ خیز مواد سعودی عرب منتقل کرنے کی کوشش اور دہشتگردی کے الزام پر 4سعودی شہریوں کے خلاف مقدمے کی سماعت شروع کردی۔ ان شہریوں پر قرآن و سنت مخالف تکفیری نظریہ اپنانے ، سعودی قیادت اور سیکیورٹی اہلکاروں کو کافر قرار دینے ، دہشتگرد تنظیموں میں شمولیت، بیرون ملک جنگی کارروائیاوں میں شراکت اور مملکت کے اندر خودکش حملوں کی کوشش کے الزامات عائد کئے گئے ہیں۔ پبلک پراسیکیورٹر نے ان چاروں میں سے 3کو نشان عبرت بنانے کیلئے موت کی سزا اور چوتھے کو سخت تعزیری سزا نیز بیرون مملکت سفر پر پابندی کا مطالبہ کردیا۔