السعودیہ طیارہ کی جدہ میں ہنگامی لینڈنگ

جدہ:22؍مئی2018(فکروخبر/ذرائع) مدینہ منورہ سے ڈھاکا جانے والی السعودیہ کی پرواز 3818کو جدہ کے کنگ عبدالعزیز انٹرنیشنل ایئرپورٹ پر ہنگامی لینڈنگ کرنا پڑ گئی۔ ہائیڈرولک سسٹم میں خرابی کی وجہ سے یہ صورتحال پیدا ہوئی۔ باخبر ذرائع کا کہناہے کہ طیارہ کے جدہ ایئرپورٹ پر اترنے سے قبل ہنگامی صورتحال کا اعلان کردیا گیا تھا۔ ایک اطلاع کے مطابق طیارہ اترتے وقت ٹائر سے چنگاریاں اڑنے لگی تھیں۔ پائلٹ کی کمال مہارت کے باعث طیارہ یقینی حادثہ سے بچ گیا۔ ہواباز ترکی شہری ہے۔ طیارہ اتارتے وقت کوئی جانی نقصان نہیں ہوا۔