دہلی کے مدنپور میں آتشزدگی سے پچاس سے زائد گھرانوں کا چھن گیا آشیانہ

مدنپور :17؍مئی2018(فکروخبر/ذرائع)دہلی کے جنوبی علاقے مدنپور کھادر میں آتشزنی کے باعث کم و بیش 58 جھگی جھونپڑیاں جل کر خاک ہو گئیں۔آگ لگنے کی وجوہات کا اب تک پتہ نہیں چل سکا ہے۔ لیکن لوگوں کا کہنا ہے کہ شارٹ سرکٹ کی وجہ سے یہ حادثہ ہوا ہے۔پولیس کو پیر کی شب تقریباً 12:55 بجے آگ لگنے کی خبر موصول ہوئی۔ آگ پر قابو پانے کے لیے موقع پر فائر برگیڈ کی 7 گاڑیاں بھیجی گئیں۔گھنٹوں کی مشقت کے بعد آگ پر قابو پایا گیا۔ لیکن تب تک 56 جھگیاں جل کر خاک ہو چکی تھی اور لاکھوں کو نقصان پہنچ چکا تھا۔آگ کے شعلوں کا عالم یہ تھا کہ ایک کلومیٹر کی دوری سے بھی اسے دیکھا جا سکتا تھا ۔ حالانکہ اس حادثے میں کسی بھی طرح کے جانی نقصان کی اطلاع نہیں ہے۔