جرمن ڈاکٹر کو روسی چرچ نے سینٹ کا درجہ دے دیا

ڈاکٹر فریڈرش نے پوری زندگی غریب روسیوں کے علاج معالجے میں صرف کر دی تھی

ماسکو:07؍مئی 2018(فکروخبر/ذرائع)روسی دارالحکومت ماسکو میں ایک جرمن ڈاکٹر کو آرتھوڈکس چرچ نے سینٹ کا درجہ دے دیا۔غیرملکی خبررساں ادارے کے مطابق جرمن ڈاکٹر فریڈرش یوزف ہاس نے اپنی ساری زندگی غریب روسی شہریوں کے علاج معالجے میں صرف کر دی تھی۔ وہ 1853 میں رحلت پا گئے تھے۔ ہاس 1806 میں ماسکو پہنچ کر بطور ایک معالج کے شہرت پائی تھی۔ اْنہیں عام طور پر ماسکو کے مقدس طبیب کے طور پر یاد کیا جاتا ہے۔ ڈاکٹر ہاس کو سینٹ بنانے کی خصوصی تقریب ماسکو کے ہولی ورجن میری چرچ میں منعقد کی گئی۔ گزشتہ بیس برسوں سے روسی آرتھوڈکس چرچ جرمن ڈاکٹر کو سینٹ بنانے کے سلسلے پر تحقیق جاری رکھے ہوئے تھا۔