Prayer Timings

Fajr فجر
Dhuhr الظهر
Asr عصر
Maghrib مغرب
Isha عشا

رہائی کا جشن کیوں منایا، فلسطینی رہائی کے بعد دوبارہ طلب کر کے گرفتار کر لیا

share with us

 

مقبوضہ بیت المقدس :16؍اپریل2018(فکروخبر/ذرائع) اسرائیلی پولیس نے مقبوضہ بیت المقدس کے ایک فلسطینی نوجوان کو رہائی کے اگلے روز دوبارہ پیش طلب کرکے حراست میں لے لیا۔ صہیونی پولیس نے کہا ہے کہ فلسطینی شہری کو کہا گیا تھا کہ وہ رہائی کے بعد اپنے گھر میں رہائی کی خوشی میں جشن نہیں منائے گا مگر اس نے اپنے گھر میں جشن منا کر معاہدے کی خلاف ورزی کی ہے۔مرکز اطلاعات فلسطین کے مطابق القدس کے رہائشی محمد موسی درباس جمعہ کے روز رہا کیا گیا تھا، رہائی کے بعد اس کے اہل خانہ نے گھر پر ایک تقریب کا اہتمام کیا جس میں اس کے دوست اور عزیزو اقارب نے شرکت کی۔اس موقع پر جمع ہونے والے شہریوں نے درباس کو رہائی کی مبارک باد پیش کی۔ محمد موسی درباس اسرائیلی جیل میں 16 ماہ قید رہے جس کے بعد انہیں رہا کیا گیا تھا۔گھر میں رہائی کی خوشی منانے کے الزام میں اسرائیلی پولیس نے محمد درباس کو دوبارہ حراستی مرکز میں طلب کرکے گرفتار کرلیا۔مقامی شہریوں نے کہا ہے کہ موسی درباس مقامی فلسطینی نوجوانوں میں ایک پسندیدہ شخصیت ہیں اور انہیں فلسطینی ہیرو کا درجہ دیتے ہیں۔ وہ ماضی میں اسرائیلی جیلوں میں قید رہ چکے ہیں اور متعدد بار اسرائیلی جیلوں میں بہ طور احتجاج بھوک ہڑتال بھی کی۔

متعلقہ مضامین

Prayer Timings

Fajr فجر
Dhuhr الظهر
Asr عصر
Maghrib مغرب
Isha عشا