English   /   Kannada   /   Nawayathi

حوثی باغی معصوم بچوں کو انسانی ڈھال کے طور پر استعمال کررہے ہیں،عالمی برادری نوٹس لے،یمن

share with us

صنعاء:21؍مارچ2018(فکروخبر/ذرائع)یمن میں انسانی حقوق کے وزیر ڈاکٹر محمد عسکر نے کہا ہے کہ یمن میں انسانی حقوق کی خلاف ورزیاں کرنے والوں کے تعاقب کے حوالے سے عالمی برادری مداخلت کرے۔ بد ھ کو اپنے ایک بیان میں خانہ جنگی میں مبتلا ملک یمن میں انسانی حقوق کے وزیر ڈاکٹر محمد عسکر نے کہا کہ انسانی حقوق کے معاملات آج یمنی حکومت کی اولین ترجیحات میں سے ہیں۔ ان کے علاوہ دیگر ترجیحات میں سکیورٹی اور اقتصادی استحکام، قانون کی بالادستی، عدلیہ کی اصلاح، بدعنوانی کا انسداد اور آزادی رائے شامل ہیں۔انہوں نے کہا کہ ان کی وزارت نے یمن میں انسانی حقوق کی خلاف ورزیوں کے حوالے سے متعدد تحقیقی مطالعے تیار کیے۔ ان میں نمایاں ترین مطالعاتی رپورٹیں ایران نواز حوثی ملیشیا کی جیلوں میں جبری طور پر اغوا یا لاپتہ افراد کی موجودگی اور بچوں کی بھرتیوں کو روکنے کیلئے حوثی ملیشیا پر دباؤکی مہمیں چلانے سے متعلق تھیں۔ باغی ملیشیا کی طرف سے بارودی سرنگیں بچھانے اور بچوں کیخلاف بڑے پیمانے پر پامالیوں کے بارے میں بھی رپورٹیں تیار کی گئیں۔ ڈاکٹر عسکر نے کہا کہ اس وقت بچوں کی بھرتیوں کا معاملہ سب سے زیادہ الم ناک ہے۔ باغی ملیشیا بچوں کو اپنی اولین صفوں میں بطور انسانی ڈھال استعمال کررہی ہے۔ عسکر نے بچوں کی بھرتی کے حوالے سے عالمی برادری کی تساہل پسندی پر اپنی برہمی کا اظہار کیا۔ انہوں نے کہا کہ ان کی وزارت نے متاثرہ بچوں کو نفسیاتی اور سماجی سپورٹ پیش کرنے کیلئے 25مردوں اور خواتین پر مشتمل ماہرین کی ایک ٹیم تیار کرکے انہیں خصوصی تربیت فراہم کی ہے۔ حوثیوں کی جیلوں میں گرفتار افراد کے حوالے سے عسکر نے بتایا کہ انکی وزارت عالمی تنظیم صلیب احمر کیساتھ رابطہ میں ہے تاکہ قیدیوں کے تبادلے کی صورت نکل سکے۔ وزارت بیرون ملک یمنیوں کے معاملات کی پیروی کیلئے بھی اہم کردارادا کررہی ہے

Prayer Timings

Fajr فجر
Dhuhr الظهر
Asr عصر
Maghrib مغرب
Isha عشا