20 مارچ کو راہل گاندھی کریں گے منگلور کا دورہ 

متعدد مندروں سمیت الال درگاہ پر بھی حاضری متوقع 

منگلور 19؍ مارچ 2018(فکروخبرنیوز) کانگریس صدر راہل گاندھی کل بروز منگل کو منگلور کا دورہ کرنے والے ہیں۔ صبح گیارہ بج کر تیس منٹ پر وہ منگلور ہوائی اڈے پہنچیں گے جہاں سے وہ بذریعہ ہیلی کاپٹر کاپو کے لیے روانہ ہوں گے جہاں راجیو گاندھی پولیٹیکل انسٹی ٹیوٹ کا افتتاح کریں گے۔ اس بات کی اطلاع ضلع انچارج منسٹر رامناتھ رائے دی ۔ انہوں نے کہا کہ راہل گاندھی پڈوبدری، ملکی اور سورتکل میں روڈ شو کے بعد وہ جیوتی سرکل پہنچیں گے ، وہاں سے ہوتے ہوئے نہرو میدان میں شام چھ بجے منعقد ہونے والے عوامی جلسہ میں شرکت کریں گے۔ ذرائع کے مطابق راہل گاندھی کدرولی شری گوکرناتھا مندر کے ساتھ ساتھ الال درگاہ بھی حاضری دیں گے۔ 21مارچ بدھ کے روز وہ جنوبی کنیرا اور ضلع اڈپی کے بلاک کانگریس کے لیڈران کو خطاب کریں گے۔ جہاں سے وہ صبح گیارہ بجے شرنگیری شاردھا شرین جائیں گے ۔ اس کے بعد راہل گاندھی راجیو گاندھی سنسکرت یونیورسٹی کے طلباء سے خطاب کرنیکے بعد نئے کانگریس بلاک دفتر کا بھی افتتاح کریں گے۔