نیو یارک کے ایسٹ ریور میں ہیلی کاپٹر گرکر تباہ، دو افراد ہلاک

ہیلی کاپٹر میں چھ افرادسوارتھے،ایک زخمی،تین لاپتہ،حادثے کے مقام پر امدادی کارروائیاں جاری

نیویارک۔12مارچ2018(فکروخبر /ذرائع ) امریکی ریاست نیویارک کے علاقے مین ہٹن کے ایسٹ ریور میں ہیلی کاپٹر گر کر تباہ ہو گیا، تباہ ہونے کہ نتیجے میں دو افراد ہلاک اور ایک زخمی ہو گیا، حادثے کا شکار ہیلی کاپٹر میں چھ افراد سوار تھے اور ہیلی کاپٹر میں سوار مزید افراد کی تلاش کی جارہی ہے۔امریکی میڈیا کے مطابق امریکی ریاست نیویارک کے علاقے مین ہٹن کے ایسٹ ریور میں ہیلی کاپٹر گر کر تباہ ہو گیا، تباہ ہونے کہ نتیجے میں دو افراد ہلاک اور ایک زخمی ہو گیا،حادثے کا شکار ہیلی کاپٹر میں چھ افراد سوار تھے اور ہیلی کاپٹر میں سوار مزید افراد کی تلاش کی جارہی ہے۔ابتدائی رپورٹس کے مطابق ہیلی کاپٹرانجن فیل ہونے کی وجہ سے گر کر تباہ ہوا، حادثہ مقامی وقت کے مطابق شام7 بجے پیش آیا جبکہ ریسکیوٹیمیں حادثے کے مقام پرامدادی کارروائیوں میں مصروف ہیں۔