ایران، جاسوسی کے الزام میں مزید تین ماحولیاتی رضا کار زیر حراست

کوئی شک نہیں امریکا اور اسرائیل کی دخل اندازی سے ہمیں ایک سنگین مسئلہ درپیش ہے،ایرانی عدلیہ 

تہران۔26فروری2018(فکروخبر /ذرائع) ایران میں جنگلی حیات کے ایرانی نژاد کینیڈین سربراہ کی گرفتاری اور دوران حراست ان کی موت کے بعد پہلے مرحلے میں ایرانی سیکیورٹی فورسز نے جاسوسی کے الزام میں مزید 3 ماحولیاتی رضاکاروں کو حراست میں لے لیا۔ایرانی میڈیا کے مطابق ایرانی عدلیہ کے ترجمان غلام حسین محسینی نے کہاکہ ہرمزگان صوبے سے تین افراد کو حال ہی میں گرفتار کیا گیا لیکن قانونی طور پر ان کی تفصیلات نہیں بتائی جاسکتی، تاہم اس میں کوئی شک نہیں کہ امریکا اور اسرائیل کی جانب سے دخل اندازی ایک سنگین مسئلہ درپیش ہے۔