English   /   Kannada   /   Nawayathi

موغادیشو میں الشباب کا دوہرا کار بم حملہ، اڑتیس ہلاکتیں

share with us
sumalia

موغادیشو۔24فروری2018(فکروخبر /ذرائع)   صومالی دارالحکومت سے ہفتہ چوبیس فروری کو ملنے والی نیوز ایجنسی ڈی پی اے کی رپورٹوں کے مطابق یہ بہت طاقت ور بم حملے کل جمعہ تئیس فروری کو کیے گئے، جن کے فوری بعد شدت پسندوں اور سکیورٹی دستوں کے مابین فائرنگ کا تبادلہ بھی شروع ہو گیا تھا، جو کئی گھنٹوں تک جاری رہا۔موغادیشو کے ایک بڑے ہسپتال کے ڈائریکٹر محمد یوسف نے ڈی پی اے کو بتایا کہ ان حملوں میں ہلاکتوں کی تعداد کل ہی بائیس ہو گئی تھی، جب کہ بعد ازاں ہونے والی لڑائی اور کئی زخمیوں میں سے متعدد کی ہلاکت کے بعد ہلاک شدگان کی تعداد آج ہفتے کے روز بڑھ کر 38 ہو گئی۔موغادیشو کے مدینہ ہسپتال کے ڈائریکٹر محمد یوسف کے مطابق ان حملوں میں جو درجنوں افراد زخمی ہوئے تھے، ان میں سے مزید پانچ آج ہفتے کی صبح تک انتقال کر گئے۔ ان حملوں کی ذمے داری ممنوعہ شدت پسند تنظیم الشباب نے قبول کر لی تھی۔

یہ دونوں حملے دو کار بم دھماکے تھے، جو موغادیشو میں صدارتی محل کے قریب کیے گئے۔ ان دھماکوں کے بعد کئی عسکریت پسندوں کی وہاں موجود سکیورٹی دستوں کے ساتھ شدید لڑائی ہفتے کی صبح تک جاری رہی۔ڈی پی اے نے لکھا ہے کہ دونوں کار بم دھماکوں میں سے پہلا حملہ مقامی وقت کے مطابق جمعے کی شام قریب ساڑھے چھ بجے کیا گیا، جس کے چند ہی منٹ بعد دوسرا کار بم دھماکا ہوا اور وہ بھی درجنوں افراد کے ہلاک یا زخمی ہونے کا سبب بنا۔عسکریت پسندوں نے ان دھماکوں کے لیے موغادیشو کے ایک ایسے علاقے کا انتخاب کیا، جہاں سے صدارتی محل اور ملکی انٹیلیجنس کے صدر دفاتر زیادہ دور نہیں اور شہر کے دو بڑے اور اہم ہوٹل تو ان جگہوں سے بہت ہی قریب ہیں۔ بعد ازاں الشباب کے اندلس ریڈیو اسٹیشن نامی نشریاتی ادارے نے بتایا کہ الشباب نے ان دوہرے کار بم حملوں کی ذمے داری قبول کر لی ہے۔داخلی سلامتی کے نگران صومالی وزیر محمد ابوبکر نے ہفتے کی صبح صحافیوں کو بتایا کہ ان حملوں اور ان کے بعد ہونے والی لڑائی میں مجموعی طور پر ایک خود کش حملہ آور سمیت پانچ عسکریت پسند بھی مارے گئے۔الشباب اکثر بڑے ہلاکت خیز دہشت گردانہ حملے کرنے والی ایک ایسی شدت پسند تنظیم ہے، جس کا دعویٰ ہے کہ وہ صومالیہ میں ایک اسلامی ریاست کے قیام کے لیے کوشاں ہے۔ اس تنظیم کے جنگجو برسوں سے بدامنی کی شکار قرن افریقہ کی اس ریاست میں سرکاری عمارات، بڑے ہوٹلوں، عوامی مقامات اور سکیورٹی دستون کو نشانہ بناتے آ رہے ہیں۔

Prayer Timings

Fajr فجر
Dhuhr الظهر
Asr عصر
Maghrib مغرب
Isha عشا