دوسرا کہ ہمارے ممبران پارلیمنٹ ایوان سے استعفی دیدیں اور تیسرا ہم اتحاد توڑنے پر بھی غور کررہے ہیں ۔ سبھی ممبران پارلیمنٹ ابھی چندر بابو نائیڈو سے ملاقات کریں گے اور اس کے بعد جو فیصلہ ہوگا وہ سب کو بتا دیا جائے گا۔قابل ذکر ہے کہ چندر بابو نائیڈو کا باغیانہ تیور ایک مرتبہ پھر نظر آرہا ہے ۔ وزیر خزانہ ارون جیٹلی کے بجٹ پر انہوں نے ناراضگی کا اظہار کرتے ہوئے کہا کہ وہ بہت دکھی ہیں ۔ انہوں نے کہا کہ وہ اس معاملہ پر دہلی بھی بات کریں گے ۔ انہوں نے مزید کہا کہ الیکشن سے پہلے یہ بی جے پی کا آخری بجٹ تھا ، اس کے باوجود اس بجٹ میں عام لوگوں پر توجہ مرکوز نہیں کی گئی ۔مرکزی سائنس اور ٹیکنالوجی کے وزیر مملکت اور ٹی ڈی پی لیڈر وائی ایس چودھری نے کہا کہ بجٹ کو دیکھ کر انہیں مایوسی ہوئی ہے۔ انہوں نے کہا کہ حکومت نے آندھرا پردیش کے کئی معاملات پر بالکل ہی توجہ نہیں دی۔کچھ دن پہلے ہی تیلگو دیشم پارٹی کے سربراہ اور آندھر پردیش کے وزیر اعلی چندر بابو نائیڈو نے این ڈی اے سے ناطہ توڑنے کا اشارہ دیا تھا ۔ اسی کے ساتھ انہوں نے کہا تھا کہ وہ اپنی دوستی پوری طرح سے نبھا رہے ہیں ، لیکن اگر یہ اتحاد ٹوٹتا ہے تو اس کیلئے بی جے پی ذمہ دار ہوگی۔