ಭಟ್ಕಳದ 2ಸೋಂಕಿತ ವ್ಯಕ್ತಿಗಳಲ್ಲಿ ಕೋವಿಡ್-19 ಧೃಡ

ಭಟ್ಕಳ: 24 ಮಾರ್ಚ್ 2020 (ಫಿಕ್ರೋಖಬರ್ ಸುದ್ದಿ) ಭಟ್ಕಳ ತಾಲೂಕಿನಲ್ಲಿ ತಪಾಸಣೆಯ ಬಳಿಕ ಕೋವಿಡ್-19 ವೈರಸ್ ಎರಡು ರೋಗಿಗಳಲ್ಲಿ ಧೃತಡವಾದ ಕಾರಣ ಜಿಲ್ಲೆಯ ಆರೋಗ್ಯಾಧಿಕಾರಿಗಳು ತಮ್ಮ ಕಾರ್ಯವನ್ನು ಚುರುಕುಗೊಳಿಸಿದ್ದಾರೆ. ಜಿಲ್ಲಾ ಪಂಚಾಯ್ತಿಯ ಸಿ,ಸಿ,ಓ ರೋಶನ್ ಅವರು ತಮ್ಮ ತಂಡದೊಂದಿಗೆ ಭಟ್ಕಳಕ್ಕೆ ಬಂದು ಪರಿಸ್ಥಿತಿಯನ್ನು ಪರಿಶೀಲಿಸಿದರು. ಸುದ್ದಿಗಾರರೊಂದಿಗೆ ಮಾತನಾಡಿದ ಇವರು ಜಿಲ್ಲೆಯಲ್ಲಿ ಕೋವಿಡ್-19 ವೈರಸ್ ಮೊಟ್ಟ ಮೊದಲಿಗೆ ಭಟ್ಕಳದಲ್ಲಿ ಧೃಡಪಟ್ಟ ಕಾರಣ ಇಲ್ಲಿ ಈಗಾಗಲೇ ಆರೋಗ್ಯ ಇಲಾಖೆಯ ಎಂಭತ್ತು ತಂಡಗಳು ಇಲ್ಲಿ ತಲುಪಿ ಪ್ರತಿಯೊಂದು ಮನೆÉಗಳಿಗೆ ತೆರಳಿ ಜನರನ್ನು ತಪಾಸಣೆಗೊಳಪಡಿಸಿ ತಮ್ಮ ಕಾರ್ಯವನ್ನು ನಿರ್ವಹಿಸಲಿದ್ದಾರೆ. ಹಾಗೂ ಮುಂದಿನ ದಿನಗಳಲ್ಲಿ ಚಿಕಿತ್ಸೆಗೆ ಅನುಕೂಲವಾಗಲು ಮುಂಗಡವಾಗಿ 400 ಬೆಡ್‍ಗಳ ತಯಾರಿ ಕೂಡ ಮಾಡಿದ್ದೇವೆ ಎಂದು ಹೇಳಿದರು. ಮಜ್ಲಿಸೆ ಇಸ್ಲಾ ವ ತಂಝೀನ ಕಾರ್ಯದರ್ಶಿಗಳಾದ ಮೌಲ್ವಿ ಅಬ್ದುಲ್ ರಕೀಬ್ ಎಮ್,ಜೆ ಅವರು ಆರೋಗ್ಯಾಧಿಕಾರಿಗಳ ಕಾರ್ಯದಲ್ಲಿ ಸಹಕಾರ ನೀಡಬೇಕು ಎಂದು ಜನರಲ್ಲಿ ಮನವಿಮಾಡಿಕೊಂಡರು.