Urdu   /   English   /   Nawayathi

ನೀರವ್‌ ಮೋದಿ ಇರುವಿಕೆ ಖಚಿತಪಡಿಸಿದ ಯುಕೆ: ಗಡೀಪಾರಿಗೆ ಸಿಬಿಐ ಕೋರಿಕೆ

share with us

ಹೊಸದಿಲ್ಲಿ: 20 ಆಗಸ್ಟ್ (ಫಿಕ್ರೋಖಬರ್ ಸುದ್ದಿ) ಪಿಎನ್‌ಬಿ ಪ್ರಕರಣದ ಪ್ರಮುಖ ಆರೋಪಿ ನೀರವ್‌ ಮೋದಿಇಂಗ್ಲೆಂಡ್‌ನಲ್ಲಿರುವುದನ್ನು ಅಲ್ಲಿನ ಅಧಿಕಾರಿಗಳು ಖಚಿತಪಡಿಸಿದ್ದಾರೆ. ಈ ಸಂಬಂಧ ಸಿಬಿಐ ಅಧಿಕಾರಿಗಳು ನೀರವ್‌ನನ್ನು ಭಾರತಕ್ಕೆ ಹಸ್ತಾಂತರಿಸುವಂತೆ ಅಧಿಕಾರಿಗಳಿಗೆ ಮನವಿ ಮಾಡಿದ್ದಾರೆ. ಇಂಗ್ಲೆಂಡ್‌ ಅಧಿಕಾರಿಗಳಿಂದ ನೀರವ್‌ ಮೋದಿ ಇರುವಿಕೆಯ ಸಂಬಂಧ ಮಾಹಿತಿ ಬಂದ ತಕ್ಷಣ, ಸಿಬಿಐ ಅಧಿಕಾರಿಗಳು ಭಾರತೀಯ ವಿದೇಶಾಂಗ ಸಚಿವಾಲಯವನ್ನು ಸಂಪರ್ಕಿಸಿ, ನೀರವ್‌ ಮೋದಿ ಹಸ್ತಾಂತರಕ್ಕೆ ಅಗತ್ಯ ಕ್ರಮಗಳನ್ನು ಕೈಗೊಂಡಿದ್ದಾರೆ. 

ನೀರವ್‌ ಮೋದಿ ವಿರುದ್ಧ ಈಗಾಗಲೇ ರೆಡ್‌ ಕಾರ್ನರ್‌ ನೋಟಿಸ್‌ ಜಾರಿಗೊಳಿಸಿರುವುದರಿಂದ ಅವರನ್ನು ತಕ್ಷಣ ವಶಕ್ಕೆ ಪಡೆದುಕೊಳ್ಳುವಂತೆ ಇಂಗ್ಲೆಂಡ್‌ ಸರಕಾರಕ್ಕೆ ಮನವಿ ಮಾಡಲಾಗಿದೆ. 
ಪ್ರಕರಣದ ಮತ್ತೋರ್ವ ಆರೋಪಿ ಮೇಹುಲ್‌ ಚೋಕ್ಸಿ ಅಂಟಿಗುವಾದಲ್ಲಿರುವುದು ಖಚಿತವಾಗಿದ್ದು, ಅಲ್ಲಿನ ಪ್ರಜೆಯಾಗಿದ್ದಾರೆ. ನೀರವ್‌ ಮೋದಿ ಹಾಗೂ ಚೋಕ್ಸಿ ಇಬ್ಬರೂ ಆರೋಗ್ಯ ಹಾಗೂ ಉದ್ಯಮದ ಕಾರಣ ಹೇಳಿ ಭಾರತಕ್ಕೆ ವಾಪಾಸಾಗಲು ನಿರಾಕರಿಸುತ್ತಿದ್ದಾರೆ. 

ನೀರವ್‌ ಮೋದಿ ಅವರ ಪಾಸ್‌ಪೋರ್ಟ್‌ನ್ನು ಭಾರತ ಸರಕಾರ ರದ್ದುಗೊಳಿಸಿದ್ದರೂ, ಅನೇಕ ದೇಶಗಳಿಗೆ ಸುತ್ತಾಡುವುದು ಗೊತ್ತಾಗಿತ್ತು. ಜೂನ್‌ ತಿಂಗಳಲ್ಲಿ ನೀರವ್‌ ವಿರುದ್ಧ ಇಂಟರ್‌ಪೋಲ್‌ ರೆಡ್ ಕಾರ್ನರ್‌ ನೋಟಿಸ್‌ ಜಾರಿ ಮಾಡಿತ್ತು.

ವಿ, ಕ ವರದಿ   

Prayer Timings

Fajr فجر
Dhuhr الظهر
Asr أسر
Maghrib مغرب
Isha عشا